Ég býð upp á alhliða dáleiðslumeðferðir fyrir einstaklinga sem vilja bæta andlega líðan, vinna úr erfiðum upplifunum og/eða ná fram jákvæðum breytingum í lífi sínu af ýmsu tagi.

Ég sérhæfi mig meðal annars í meðferðum við kvíða, áföllum og kynferðislegum vandamálum og/eða bætingu á kynlífi og nánd.

Kvíði er eðlileg viðbrögð við streitu, óvissu eða erfiðum aðstæðum, en hjá sumum getur hann farið að hafa áhrif á daglegt líf, sjálfstraust og vellíðan. Áföll geta einnig haft djúp áhrif á taugakerfið og tilfinningalíf, sérstaklega ef það er ekki unnið úr þeim á réttan hátt.

Kynferðisleg vandamál eru algengari en margir halda og geta haft veruleg áhrif á sjálfsmynd, sambönd og lífsgæði. Dáleiðsla er mjög áhrifarík þegar vandinn tengist sálrænum þáttum t.d. eins og streitu, kvíða, álagi, neikvæðri sjálfsmynd eða fyrri reynslu. Algeng viðfangsefni hjá körlum eru til dæmis risvandi og ótímabært sáðlát, en hjá konum minnkuð kynhvöt, sársauki við samfarir eða erfiðleikar með fullnægingu. Einnig er hægt að nota dáleiðslu til að efla kynferðislegt sjálfstraust, nánd og ánægju.

Dáleiðsla er öflug aðferð sem hjálpar huganum að komast í djúpa slökun þar sem auðveldara er að vinna með undirvitundina og rót vandans.